新娘妝容注意事項（試妝篇）

新娘妝容注意事項（試妝篇）

注意事項一：

試妝嘅最佳時間，應該安排在自己婚禮前的一個月內。因為在這一個月中，面型嘅肥瘦變化無咁大，有利於化妝師對臉部嘅造型。呢個問題在春、秋、夏季尤其突出。喺呢啲季節，由於新人的工作光照環境不同，有啲新人需要出外旅遊、工作等等。長期嘅日曬雨淋，皮膚嘅顏色可能會變黑變紅。而婚禮前一個月，呢啲活動都會安定落來，人嘅皮膚顏色，都適應咗當時嘅氣候，顏色不會再發生太大變化。另外，由於已經臨近婚期，婚禮上著咩婚紗晚裝，喺呢個時候都應該準備好晒。所以，新娘子係自己婚禮前一個月左右試妝，應該係最佳嘅時間。

注意事項二：

穿著唔同嘅顏色款式類型嘅婚紗或者晚裝搭配唔同嘅妝容係一樣好深奧嘅化妝藝術。一般的新娘，在婚禮當日都會準備一套裙褂，一套婚紗及一套或多套晚裝。有經驗嘅化妝師，會根據你嘅面型、皮膚嘅顏色、頭髮嘅長短同顏色、高矮肥瘦同服裝嘅顏色，幫你設計出比較協調又令人滿意嘅妝容。試妝時候，當然能夠著到當日嘅婚紗晚妝嚟試妝當然就最好，但好多新娘子都會租婚紗晚裝而唔係買，未必咁快係手上，咁在試妝嘅時候，帶埋婚紗晚妝嘅相比化妝師參考，咁樣，化妝師就可以以最大程度還原婚禮當日新娘子嘅化妝效果。

注意事項三：

好多新娘子都會去買首飾頭飾之類配合造型，但有啲新娘子會喺試妝之前去買。但係由於新娘子未必有經驗去自己挑選，到出嚟嘅效果可能同想像中嘅效果相差好遠，最後又要花錢花心機去再買。所以建議各位新娘子最好喺試完妝之後，再根據試妝嘅效果去購買呢啲配飾。因為喺試妝時候，有經驗嘅化妝師都會為新娘子提供一啲購買建議，由於佢哋係化妝方面嘅專家，經驗同觸覺會比較好，所以佢哋的建議往往都十分重要，係各位新娘子最好嘅參考。

注意事項四：

需要同化妝師落實好嘅婚禮當日事情包括：

1. 化妝師當日到達時間同地點。

2. 化早妝需要幾多少時間?(呢個時間會影響到吉時出門，所以好重要)

3. 新娘用嘅頭花由由邊方面嚟準備?同新娘子需要咩配飾?

4. 新郎、伴娘、伴郎、姊妹、新人嘅媽咪需唔需要由化妝師去化，最好之前溝通好，因為突然提出要求，有機會影響時間同質素。

5. 轉妝同轉衫嘅地點同時間。

@M5D

Andy